“Coa resaca do Día do Libro, un grupo de blogueiros decidiu poñer en práctica unha iniciativa para promocionar a lectura na nosa lingua. A súa proposta é crear un grupo de lectura de obras galegas que se comunique a través da rede para intercambiar impresións.

Twitter, rede social onde os seus usuarios intercambian breves mensaxes sobre o que están a facer ou a pensar en cada momento, emprégase deste xeito cun interese literario. Os promotores da idea son Martin Pawley, de Días estranhos; Leco, d’O blog dos pelachos, e Alfredo Ferreiro, d’O levantador de minas.” (Vieiros)

A Conferencia sobre María Mariño de Carmen Blanco prevista para mañá venres 27, no marco do “Vº Ciclo de Conferencias Visións de Galicia”, é aprazada para unha nova data que se comunicará, debido a un problema personal da conferenciante. (El Liceo de Ourense)

Ver nota anterior.

O escritor e humorista gráfico Xosé Luís Martínez Pereiro publica Novas tendencias da vida mansa, libro que inaugura os “Cadernos de Narrativa “da Editorial Laiovento.

Gustavo Pernas Cora recibe o “Xº Premio Max das artes escénicas” por Final de película, obra que xa fora distinguida co XIIº Premio Rafael Dieste da Deputación da Coruña.

Este evento terá lugar os días 9, 10 e 11 de maio de 19:00 a 21:30 horas no Centro Cultural Uxío Novoneyra (Lugo). Constituirá un espazo no que se debaterán, investigarán e intercambiarán coñecementos sobre o traballo desenvolvido ao longo da historia polas poetas galegas. Participarán as seguintes poetas: Marilar Aleixandre, Lupe Bao, Carmen Blanco, Marica Campo, María do Cebreiro, Cristina Corral Soilán, Emma Couceiro, Estíbaliz Espinosa, Ma. Sara Fernández, María Lado, e Helena Villar Janeiro.

Será o día 16 de maio no Fogar do Santiso, Luou (Teo). Máis información aquí e aquí.

Baixo o título “A maxia das palabras II. Viaxes literarias”, o escritor Xosé A. Neira Cruz coordinará un curso de creatividade literaria no Macuf (Museo de Arte Contemporánea de Unión Fenosa). Será os días 8, 15 y 22 de maio de 2007, de 19:30 a 21:00 horas.

Ver nota anterior.

O venres 27 de abril, ás 20:30 h., na Casa de Cultura “Avilés de Taramancos” de Noia preséntase Dun tempo e dun país, do escritor Manuel Caamaño Suárez. O acto contará coa participación do autor, de Xosé Manuel Beiras Torrado e de Pedro García Vidal. Tamén será presentado o número 24 do suplemento cultural A voz de Barbantia.