- Das 11:30 ás 14:00 horas, de María Pita ao adro da Colexiata: “Cortexo cívico polas casas da xente da cultura, que viveu na Cidade Vella da Coruña e aínda máis”. Actos organizados pola Asociación de Veciños da Cidade Vella da Coruña.

-Ás 17:00 horas no MACUF: obradoiro para rapaces. Véxase nota anterior.

Hoxe 16 de maio ás 20:00 horas, no espazo de Caixa Galicia de Juan Flórez, terá lugar un recital de poesía a cargo de Olga Patiño, Enma Pedreira, e Diego Cousillas. Lucía Aldao acompañará á guitarra.

As obras deben enviarse antes do próximo 1 de xuño e rexirse polas bases publicadas pola Asociación Caldeirón e o Concello de Malpica de Bergantiños.

Atmosferas, de Olga Patiño Nogueira, será presentado no Liceo de Betanzos o próximo 17 de maio ás 20:30 horas. Do libro de poemas, que inclúe gravados do brigantino José Valentín, falará o escritor, historiador e artista gráfico Xoán Carlos Pereira Martínez.

Na Estrada está prevista para esta semana a presentación das seguintes obras: Camiño de volta,de Paco Lareo; A primavera continuará, de Manuel Fragoso; Cando os libros toman té, de Teresa González Costa; Felisa, de Xoán Xesús González (introdución e edición de Marcos Seixo); Falsas confidencias, de Marivaux (tradución e adaptación de Carlos Loureiro Rodríguez); Grazas Padre Ramón, de Manuel Daniel Varela Buxán (tradución e adaptación de Xosé Luna). Será o venres 18 de maio ás 20:00 horas na Galería Sargadelos.

A presentación do libro Un autobús camiño da cidade, de Robustiano Rodríguez, terá lugar en Lugo o próximo domingo día 20 de maio, ás 19:00 horas, na Carpa da Feira do Libro (Praza Maior). Intervirá, ademais do autor, a poeta e narradora Marica Campo.

Na Festa das Letras María Mariño en Boiro terán lugar as seguintes presentacións:

-As voces de María Mariño, libro-cd editado por La Voz de Galicia;
-Retrato dunha vida, creación audiovisual de Suso Xogaina;
-Versos que comezan, iniciativa de Barbantia na rede, homenaxe á poeta;
-Verba do tempo, espectáculo do grupo Ouriol con voz de Eva Veiga, música de Bernardo Martínez e Fito Ares, iluminación e escenografía de Alfonso Costa.

O acto contará coa participación das actrices Flor Maceiras e Rebeca Montero; Xosé Deira Triñanes, alcalde de Boiro; Tucho Calvo, escritor e xornalista de La Voz de Galicia; Antón R. Gallardo, historiador; Xerardo AgraFoxo, biógrafo da poeta; e Adolfo Muíños, coordinador de Novas Tecnoloxías de Barbantia. Será o vindeiro mércores 16 de maio, ás 20:30 horas, na Casa de Cultura “Ramón Martínez López” de Boiro.

A Vicepresidencia da Igualdade e do Benestar, a través da Dirección Xeral de Xuventude e Solidariedade organiza neste certame galego de creadores novos, que inclúe as especialidades de relato, poesía, artes plásticas, moda, música, audiovisual, banda deseñada, grafitti, cartaces, artes do movemento e composición para banda de música. Idades: entre 16 e 30 anos. Prazo envío de solicitudes: ata o 13 de xullo.
A AELG é membro asesor deste premio. Máis información aquí.

Créase unha web institucional dedicada á figura do Día das Letras Galegas: www.17demaio.org. Ofrece opinións de poetas, escritores e estudiosos da obra de María Mariño, ademais de datos sobre outras personalidades das letras como Rosalía de Castro e Francisca Herrera, as outras dúas escritoras que recibiron esta mesma homenaxe.

“O 3º Premio Biblos-Pazos de Galicia decidirase o vindeiro mes de xullo entre as escritoras mozas Cristina Ferreiro Real, de Lugo; Patricia Casas Vázquez, da Coruña, e Raquel Campos Pico, de Santiago pero que reside en Madrid. As tres foron declaradas finalistas por un xurado integrado pola que será este ano a titora da gañadora, a escritora Helena Villar Janeiro, o xornalista e tamén escritor Camilo Franco, o gañador da anterior edición, Alberto Ramos, e o director literario de Biblos.
As aspirantes ao premio, que presentaron no seu día unha memoria do proxecto, deberán entregar agora antes do 15 de xuño unha versión o máis elaborada posible da novela.
A gañadora poderá pasar o mes de outubro a gastos pagos na Casa Grande do Bachao e estará tutelada para ultimar a obra por Helena Villar, poeta, narradora e ensaísta cunha ampla experiencia tamén como articulista e docente. O premio conleva tamén un ordenador portátil e a edición da obra en galego e na súa tradución ao castelán.” (Biblos - Clube de lectores)

“Este sábado 5 de maio tivo lugar en Teo o fallo do Premio de Poesia María Mariño convocado pola Asociación Teenses pola Igualdade e patrocinado pola compostelana Librería, Follas Novas. Un xurado de luxo composto por Marilar Aleixandre poeta , Salvador García-Bodaño, escritor e membro da Real Academia Galega, Xosé Amancio Liñares Giraut, escritor, Mª Camiño Noia escritora e Helena Villar presidenta do Padroado Rosalía de Castro decidiron elexir como gañador dos 1.000 euros correspondentes o primeiro premio a Adolfo Caamaño Vázquez polo poema entitulado Elexía dos Aléns. Resultou gañador do segundo premio dotado con 500 euros, Marcelino Sisto Deibe que se presentou co poema Xinete no cabalo da memoria. Tanto o Xurado como a representante de Teenses Pola Igualdade, Rosa Gómez Limia manifestaron á súa satisfacción polo alto grao de participación a este Primeiro Premio o que se presentaron 83 traballos procedentes de diversos puntos xeográficos da Península como tamén do extranxeiro.
Nun solemne acto a celebrar o vindeiro 18 de maio no Pazo de Adrán de Teo Calo terá lugar a entrega dos galardón os gañadores.”

“O curso terá unha duración de 80 horas lectivas e desenvolverase ao longo do mes de xullo (do 2 ao 27), na Facultade de Filoloxía da Coruña. Este ano ofertaremos só o nivel elemental, isto é, o de iniciación á lingua galega, se ben nos próximos anos ampliaremos a oferta aos niveis superiores.” Máis información no seguinte enderezo: 

carme@udc.es