Ás 18:30 horas na Feira do libro d’ A Coruña (Xardíns de Méndez Núñez), o escritor Xosé Neira Vilas asinará exemplares dos seus libros na caseta de secretaría.

Ás 19:30 terá lugara presentación do poemario Eume, de César Antonio Molina, publicado pola Editorial Galaxia. Xunto co autor, participarán no acto Luis García Soto (filósofo e profesor da USC), Antón Patiño (pintor), Manolo Vilariño (fotógrafo) e o director xeral da editorial Víctor Freixanes.

«O Consello de Ministros, a proposta do titular de Administracións Públicas, Jordi Sevilla, aprobou un Real Decreto polo que se crea o Consello das Linguas Oficiais na Administración Xeral do Estado e a Oficina para as Linguas Oficiais. É unha iniciativa destinada a asegurar que os cidadáns das comunidades autónomas con lingua oficial propia poidan exercer de xeito pleno o seu dereito a dirixirse á Administración Xeral do Estado en devandita lingua, nos termos que establecen as leis. Así, os cidadáns galegos poderán empregar o galego como vehículo de comunicación cos diferentes órganos da Administración central.» (Galicia-Hoxe.com)

«Xelís de Toro e o seu grupo artístico Rough Company presentan o mércores [8 de agosto] na galería Fabrica, da cidade británica de Brighton, a súa instalación-performance Terminal. A montaxe multimedia está baseada no libro do mesmo título publicado en 1994 en Edicións Positivas. A peza estreouse hai doce anos na Universidade de Oxford, nun encontro artístico en Bélxica e na compostelá Sala Nasa.» (Vieiros: Galiza Hoxe)

«Un total de 185 proxectos editoriais recibirán financiamento da Secretaría Xeral de Política Lingüística. O Diario Oficial de Galicia publica hoxe a resolución de axudas para a edición en lingua galega de materiais curriculares, para niveis non universitarios, así como a edición de material para a formación de adultos.» (Xornal.com)

Ás 19.00 horas na Feira do libro d’ A Coruña (Xardíns de Méndez Núñez), o escritor Xurxo Souto presenta a nova edición do libro Contos da Coruña, publicada por Edicións Xerais de Galicia.

O poeta Cesáreo Sánchez será o protagonista do “Martes literario” que terá lugar o 7 de agosto na Galería Sargadelos d’ A Coruña (Rúa Real, 56). Será ás 20:00 horas.

O Mércores 8 Agosto no Local Social da A. C. Felicia (Limodre, Fene) terá lugar ás 22:00 horas unha mesa redonda sobre Andrés do Barro que incluirá a presentación do CD “Manifesto Dobarrista“. Falarán, entre outros, os escritores Xavier Alcalá e Xurxo Souto.

Xulio Pardo de Neyra presentará o luns 6 de agosto o seu libro Literatura galega de vangarda. A iconoclastia rupturista dos primeiros manifestos galegos, publicado por 3C3 Editores, ás 19.00 horas na Feira do libro d’ A Coruña (Xardíns de Méndez Núñez). Participarán en el acto Antonio Puentes Chao y X. Amancio Liñares Giraut.

«Dirixido polo sociólogo Xan Bouzada, este documento é unha análise cuantitativa e cualitativa moi polo miúdo das políticas culturais seguidas nas principais cidades galegas nos últimos anos, con enfoques de carácter global e con achegas particulares ás accións culturais de cada unha delas. Trátase, por tanto, dun documento de traballo que é resultado dun informe tecnicamente ben elaborado sobre a situación cultural destas cidades a principios do século XXI.» (culturagalega.org)

(El Correo Gallego)

Até o 22 de novembro de2007. Bases.

Bases. Até o 15 de novembro de 2007.

Até o 11 de setembro de 2007. As bases poden consultarse aquí.