(Galicia-Hoxe.com)

O día 17 deste mes, ás 20:00 horas na Galeria Sargadelos de Lugo, impartirá unha conferencia titulada “As letras de Bretaña” o escritor Ramón Loureiro. O autor asinará os seus libros a quen o desexe. (Ao carón da lareira)

O martes 16 de outubro, ás 20:00 horas, a Galería Sargadelos da Coruña (Rúa Real, 56) contará coa presenza de Lucía Aldao nunha nova edición do ciclo quincenal “Martes Literarios”.

«O director xeral de Creación e Difusión Cultural, Luís Bará vai presentar hoxe no stand da Consellaría de Cultura na Feira do Libro de Frankfurt a obra ‘20 Gedichte aus galicien / 20 poemas galegos’. O representante da Consellaría de Cultura foi acompañado polos poetas Xosé Mª Álvarez Cácamo, Xavier Queipo e María Reimondez, ademais do coordinador da edición, Dieter Kremer, nunha presentación á que asistiron máis de cincuenta persoas.
Esta escolma dos poemas publicados nos diferentes números da revista Galicien Magazin, da Asociación Galego-Alemá acolle os poemas de Rosalía de Castro, Manuel Antonio, María Mariño, Álvaro Cunqueiro, Xosé María Álvarez Blázquez, Luz Pozo, Manuel María, Uxío Novoneyra, Xosé Luís Méndez Ferrín, María Xosé Queizán, Xosé María Álvarez Cáccamo, Pilar Pallarés, Manuel Rivas, Xavier Queipo, Miguel Anxo Fernán Vello, Ana Romaní, Marga do Val, María Reimóndez, Yolanda Castaño e Mónica Góñez.» (Máis información na web da Consellaría de Cultura)

«As Seccións de “Literatura” e “Arte e Historia” do Liceo de Ourense programaron para a vindeira semana unhas Xornada en lembranda de Arturo Vázquez Nuñez”, (Ourense, 15 de novembro de 1852 - Ourense, 2 de marzo de 1907) foi un dos máis destacados polígrafos ourensáns do século XIX, especialista en Historia e Arqueoloxía. [...]
O programa iniciaráse o mártes, día 16 de outubro, ás.18:00 horas. cunha Ofrenda floral no cemiterio de San Francisco, continuando 20:00 horas, no Salón Noble da entidade liceísta coa Inauguración da Exposición bio-bibliográfica sobre ”Arturo Vázquez Nuñez”, e a seguir unha Conferencia de Francisco Fariña Busto co título: ”Vázquez Nuñez e a Comisión Provincial de Monumentos”.
O Día 18 de outubro, xoves, as 20:15 horas. Salón Noble. Conferencia de Jesús de Juana López: ”Vázquez Nuñez, biografía dun ourensán de pro”.
Día 29 de outubro, venres, as 20:15 horas. Salón Noble. Conferencia de Marcos Valcárcel López: ”Vázquez Nuñez e o periodismo ourensán”.» (Liceo de Ourense)

A A. C. Alexandre Bóveda d’ A Coruña organiza un curso de recursos informáticos en galego coas seguintes datas de celebración:
-1º curso (luns-mércores): 5, 7, 12, 14 e 19 de novembro;
-2º curso (martes-xoves): 6, 8, 13, 15 e 20 de novembro.
Todos os días de 20:30 a 22:30 horas. Para inscribirse no curso hai que facelo no local da A. C. Alexandre Bóveda (Rúa Olmos, 16-18, 1, A Coruña; 981 200 869) antes do seu comezo.

«A Fundación Via Galego organizou para o próximo 19 de outubro, sexta feira, no Kiosko Alfonso da Coruña, unha mesa redonda titulada “Letras que unen” e un recital poético denominado “Cabo Verde lírico”. Na mesa redonda Letras que Unen intervirán Felisa Rodrigues (experta-galega en literaturas lusófonas africanas), Germano Almeida e José Vicente Lopes (escritores cabo-verdianos) e Xavier Alcalá e Carlos Quiroga (escritores galegos). Incluirá unha breve introdución á literatura cabo-verdiana da profesora Felisa Rodrigues e posterior debate arredor da lingua galego-portuguesa como ferramenta útil de traballo para os escritores galegos e cabo-verdianos. Terá lugar a partir das 17horas. No recital participarán varias poetas novas, como Yolanda Castaño, Lucía Aldao ou María Lado, que recitarán poemas de autores cabo-verdianos. Terá lugar a partir das 19:00 horas.
O acto insírese nas xornadas Galeguia. Encontro con Cabo Verde, organizadas pola Fundación Via Galego entre os días 17 e 20 de outubro co patrocinio da Dirección Xeral de Creación e Difusión Cultural, entre outras institucións e entidades. Galeguia ten por obxecto fundamental promover un maior relacionamento entre a Galiza e os países de fala portuguesa, para así aproveitar na medida do posíbel a facilidade comunicativa que a lingua galega habilita no plano internacional, de extraordinario relevo no mundo global.» (Fundacion Via Galego)

O 11 de outubro, ás 12:00 horas na Galería Sargadelos de Ferrol, celebrarase a presentación do libro A lenda do pirata,do Colectivo A Garola. Contará cunha dramatización a cargo da compañía Talía Teatro.

Será na Libraría Couceiro (Santiago de Compostela) o xoves 25 de outubro ás 20:00 horas. A introdución estará a cargo de Aser Álvarez e Xoán Carlos Domínguez Alberte (coordinadores da publicación). Ofrecerase unha charla do historiador Dionisio Pereira e un recital poético de textos do libro Volverlles a palabra. Homenaxe aos represaliados do franquismo, a cargo dos seus autores: María do Cebreiro, Antón L. Dobao, Francisco X. Fernández Naval, Raúl Gómez Pato, Manuel Outeiriño e Baldo Ramos.

Trátase dun certame dos de mellor dotación económica do Estado e que implica a publicación da obra galardoada nas cinco linguas peninsulares. O prazo de entrega dos traballos remata o 31 de xaneiro de 2008 e o fallo do xurado coñecerase o 2 de abril. Bases I Premio Compostela (PDF).

Até o 30 de novembro de 2007. Na edición XXXIII o certame quere render homenaxe ao eximio ourensán Xaquín Lorenzo Fernández “Xocas” no centenario do seu nacemento e lembrar a súa contribución á cultura galega, moi especialmente no eido da etnografía. Bases XXXIII Premio Modesto Figueiredo (PDF).

«Co apoio da Associação de Amizade Galiza-Portugal, a comisión que promove a creación dunha academia da lingua portuguesa en Galiza organiza unha serie de conferencias sobre o devir da lusofonía.
As conferencias comezan esta segunda feira en Compostela, a partir do mediodía na Facultade de Filoloxía da USC. Nelas intervirán os profesores Evanildo Bechara, da Academia Brasileira de Letras, e Malaca Casteleiro, da Academia das Ciências de Lisboa, presentados polos catedráticos galegos Martinho Montero Santalha, José Luís Rodrigues e Maria do Carmo Henriques.» (Vieiros)

«A tradución, segundo anunciou a consellería [de Cultura] recentemente, será unha das ferramentas de difusión da literatura galega no exterior e, amais do incremento de publicacións, a consellería porá en marcha readgalicia.com, unha web con 200 títulos exportables escollidos de maneira porcentual para cada unha das editoras galegas e que incluirá un fragmento traducido ao inglés de cada obra. A tradución de antoloxías será outra das estratexias de apoio ao sector, e na Feira de Frankfurt presentarase esta web orientada á posibilidade de venda dos dereitos de autor e unha antoloxía de poetas galegos en galego e alemán. Tamén serán traducidos numerosos narradores galegos para unha antoloxía para as feiras iberoamericanas do libro.» (La Voz de Galicia)

«Os escritores galegos rompen fronteiras e mídense xa cos grandes do catálogo internacional. Teresa Moure con Las palabras de las hijas de Eva e Xurxo Borrazás con La aldea muerta apontoan o presenza de Galicia nas librerías españolas tras o ronsel de autores que, como Manuel Rivas ou Suso de Toro, puxeron a Literatura galega no mapa da insutria editorial. Pero a alancada non queda aí: Chus Pato acaba de colocar Charentón -o seu último libro- nos favoritos dos lectores ingleses de poesía.» (Galicia-Hoxe.com)