«Na próxima quinta-feira, xoves dia 22 de Novembro, a Fundaçom Artabria, a Associaçom Galega da Língua (AGAL), e contando coa colaboración do Ateneo Ferrolán, organizan unha Mesa Redonda dedicada à figura dun ferrolán e galego ilustre: Ricardo Carvalho Calero.
Será a partir das 20,30 horas no Salón de Actos do Ateneo Ferrolán , sito na rúa Magdalena 202-204 de Ferrol, e falarán: José-Martinho Monteiro Santalha, Maurício Castro e Alexandre Banhos, nunha conferencia a tres voces que leva por título “Carvalho Calero: ferrolán, galego e universal”.
A Fundaçom Artábria quer reiniciar asi o que ten sido para nós unha vella reivindicación: a dedicatoria do Dia das Letras de 2009, aínda non atribuído, ao grande polígrafo ferrolán. Para tal, contamos con a presencia do maior especialista na súa figura, José-Martinho Monteiro Santalha, tamén ferrolán e profesor de Didáctica das Línguas na Universidade de Vigo; de Maurício Castro, Xefe do Departamento de Português na EOI de Ferrol; e de Alexandre Banhos, novo presidente da Associaçom Galega da Língua.» (Ateneo Ferrolán)

«Desde a Asociación Cultural e Pedagóxica Ponte…nas ondas! informámosvos da primeira das accións para reactivar a sensibilización social en relación coa Candidatura do Patrimonio Inmaterial Galego-Portugués.
Trátase agora dunha primeira acción arredor do 25 de novembro ( data na que en 2005 non foi proclamada esta Candidatura ). O próximo venres 23 de novembro imos encher as pontes do Miño entre Galiza e Portugal de mozos e mozas que van pedir novamente unha nova oportunidade para o patrimonio común galego-portugués co lema: 1 PATRIMONIO PARA O FUTURO.
Ademais de facer a coreografía do Máis Perto de Meniños Cantores (videoclip gravado por máis de 500 xoves na ponte entre Tui e Valença), nesta ocasión imos multiplicar por 4 esta imaxe. Máis de 2.000 persoas unirán coas súas mans as dúas beiras do Miño. Farase unha solta de globos ( azuis, brancos, vermellos e verdes ) simultánea en cada unha das pontes. Para facilitar o labor dos xornalistas vaise facer secuenciado temporalmente como segundo o horario indicado na nota adxunta.» (Asociación Cultural e Pedagóxica Ponte…nas ondas!)

No marco do Escritores-as na Universidade: II Ciclo de Conferencias, a Asociación de Escritores en Lingua Galega e a S. X. de Política Lingüística, en colaboración coas Universidades da Coruña e Vigo, achegan á comunidade universitaria e á sociedade en xeral a oportunidade de escoitar unha extraordinaria pléiade de escritores e escritoras das nosas letras.
Na Universidade de Vigo (Facultade de Filoloxía e Tradución, Aula A4 - pavillón A, Aula 4), no Campus Universitario Lagoas-Marcosende, o 22 de novembro (11:00 horas) contarase coa presenza de Fran Alonso.

O libro Profundidade de campo, XV Premio de poesía Espiral Maior, será presentado en El Corte Inglés – Salón de Actos “Ámbito Cultural” (2º andar), n’ A Coruña. O acto contará coa presenza do director do Ámbito Cultural de El Corte Inglés, Ramón Pernas, o escritor e membro do xurado, Xosé Mª Álvarez Cáccamo, o director de Edicións Espiral Maior, Miguel Anxo Fernán Vello e a propia autora, que asinará exemplares da súa obra desde as 19:00 horas na Libraría.

No marco do Escritores-as na Universidade: II Ciclo de Conferencias, a Asociación de Escritores en Lingua Galega e a S. X. de Política Lingüística, en colaboración coas Universidades da Coruña e Vigo, achegan á comunidade universitaria e á sociedade en xeral a oportunidade de escoitar unha extraordinaria pléiade de escritores e escritoras das nosas letras.
Na Universidade da Coruña (Facultade de Filoloxía, Campus da Zapateira) o 21 de novembro (12:30 horas) contarase coa presenza de Xosé Manuel Martínez Oca.

Será o mércores 21 de novembro ás 20:00 horas no Café Moderno de Pontevedra. Intervirán o autor, Santiago Lopo, e o ilustrador, Norberto Fernández, presentados polo escritor e editor Tucho Calvo.

«A Agrupaçom Cultural “O Facho” d’ A Corunha convida-o assistir aos seus ciclos de palestras publicas e abertas do período 2007-08.
O dia 21 de novembro Manuela Álvarez Lozano falará, dentro do Ciclo Língua e Naçom, sobre “A novela histórica na literatura galega”. Será ás 20:00 horas na Fundaçom Paideia (Praça de Maria Pita, A Corunha)» (Agrupaçom Cultural “O Facho”)

«A autora galega Marisa Núñez ven de ser galardoada co Primeiro Premio Internacional do Libro Infantil, concedido pola Fondation Espace Enfants (FEE) de Suíza pola obra CHOCOLATA, publicada por OQO Editora. Este premio convócase cada dous anos desde hai dúas décadas en St. Pierre des Clages, Vila Suíza do Libro.
A obra, escrita por Marisa Núñez, está ilustrada pola austríaca Helga Bansch e foi publicada por OQO Editora en galego, castelán, catalán, inglés, francés e portugués…» (Asociación Galega de Editores)

Terá lugar no Centro Social Caixanova de Vigo do 15 ao 17 de outubro de 2008 e xa está aberto o prazo para as propostas de comunicación. Máis información na páxina web do Congreso.

«O xurado formado polos/as escritores/as Lino Braxe e Xiana Arias e a crítica literaria Ana Salgado acordou, o pasado sábado, concederlle o premio desta edición á obra Debaixo de Dziga Verlov hai unha buxaina, da autoría de Valentina Carro Padín, salientando que se trata dunha “aposta de recuperación da mellor tradición vangardista”. [...] A entrega do premio terá lugar o vindeiro sábado, 24 de novembro, a partir das 20 h nos locais do CMI Unidade de Fene.» (Fene Cidadán)

Así mesmo, o xurado acordou conceder un accésit ao libro Metal central, de Alfredo Ferreiro.

O 24 de novembro, ás 17:00 horas no Centre Transformadors ( C/ Ausiàs March, 60, Arc de Triomf L1, 08010 Barcelona; ver mapa) terá lugar a Xornada de reapertura de Espazo Galego, onde se poderá escoitar, debater e facer propostas. (Espazo Galego dos Països Catalans / Espai Gallec dels Països Catalans)

«Galeria “…também Galicia” (Rua do alcaide, 30 loja, 4700-024 Braga)
Comercializamos artigos galaico-portugueses: cerâmica, jóias, vidro, livros…e realizamos exposições de pintura, cerâmica, joias… Pretendemos, além do comércio, realizar actividades culturais e artísticas, tanto portuguesas como galegas. Conhecemos já alguma Galiza e pretendemos divulgar Portugal e também a Galiza. Interessamo-nos muito pela cultura, história, arte…galegas.
Gostaríamos de saber se há alguns folhetos informativos ou livros que poderíamos ter acesso para os divulgarmos à população que nos frequenta e para nós também.
Gostaríamos também de saber mais em pormenor as vossas actividades culturais. Gostaríamos de ser um ponto de referência cultural cá em Braga para alguma actividade futura de intercâmbio entre a Galiza e Braga (tão próximos estávamos, de passado comum, tão próximo nos encontramos e reduzidas actividades se efectuam). Gostaríamos de conhecer mais a fundo os escritores galegos.
Contactem-nos (melhor por correio electrónico):  galeriatambemgalicia at iol.pt /> Bernardina Sousa Pereira
José Paraíso Carvalho»

«A obra A choiva do mundo do avogado e profesor de Dereito Xosé Manuel Pacho Blanco, obtivo o XIX Premio de Narrativa Torrente Ballester, convocado pola Deputación da Coruña. O galardón está dotado con 25.000 euros e a publicación da obra premiada.» (Xeración Web)

O sábado 17 de novembro comenzan as xornadas Historias da Coruña. Memoria da cidade, coa intervención de Xosé Ramón Barreiro, Presidente da Real Academia Galega que leva por título “A forza das palabras, ás 10:30 horas.
Destacamos tamén que o mesmo sábado pola tarde, ás 17:00 horas haberá un roteiro guiado de Felipe Senén pola Cidade Vella. Sairá dos Xardíns de San Carlos.
Por último, indicarvos que o sábado, ás 20:30 horas, e o domingo, ás 19:00 horas, o grupo de teatro Áncora Produccións representará no Teatro Rosalía Castro a obra Medidas Preventivas de Gustavo Pernas, incluída na Rede Galega de Teatros en colaboración co IGAEM. O prezo das entradas é de 7 euros (carné xove e maiores de 65 anos: 5 euros). (Concellaría de Cultura - Concello da Coruña)