O Instituto de Estudos Miñoranos organiza o recital poético e a presentación do libro Gondomar de Pablo, de Miguel Anxo Mouriño, que terá lugar o sábado 19 de xaneiro no Auditorio Municipal “Lois Tobío” de Gondomar. Será ás 19:00 horas e participarán no evento, xunto co autor, Rahel García, Aldán López, Marta Dacosta, Emilio García, Maricarmen Sestelo e Encarna Sestelo.

O escritor Henrique Rabuñal intervirá este o próximo día 17, ás 20:00 horas na Facultade de Filoloxía da Universidade da Coruña, para abordar a obra literaria de Ricardo Carvalho Calero dentro das xornadas que os CAF dedican ao ilustre profesor e escritor.

«O vindeiro mércores día 16, ás 20:30 horas, a Cova da Terra (rúa Nóreas, 12) acollerá o segundo dos clubs de lectura organizados por IND e A Cova da Terra-Kandaharia, uns encontros participativos destinados a persoas amantes da lectura e preocupadas polos problemas do mundo. Nesta segunda sesión analizarase e debaterase o libro Ninguén está só (Amnistía Internacional) no que colaboraron a Editorial Tris-Tram xunto a vinte e un/ha escritoras/es e ilustradoras/es en defensa dos dereitos humanos. Un deles, o coñecido autor Antonio Reigosa, contribuirá ao debate coas lectoras e lectores, en calidade de autor dun dos múltiples relatos que compoñen o libro. Ao debate contribuirán tamén Belén Regueiro e Carlos Fernández, en calidade de responsábeis do grupo de Lugo de Amnistía Internacional.» (Implicadas No Desenvolvemento)

O 19 de xaneiro a partir das 11:00 horas terá lugar na Galería Sargadelos de Ferrol (R/ Rubalcava, 30-32) un obradoiro de ilustración arredor da obra Punver, de Yolanda Castaño.

O 18 de xaneiro ás 20:00 horas na Galería Sargadelos de Ferrol (R/ Rubalcava 30-32) presentarase a obra de Xosé Leira López Aulas no camiño. Diálogos nun camiño da cultura europea. Intervirán Rosa Méndez (coordinadora de Aulas no camiño), Felipe Arias (director xeral de Patrimonio da Xunta de Galicia), Yolanda Díaz (Concelleira de Cultura do Concello de Ferrol) e o autor.

Até o 31 de xaneiro do 2008. Premiaranse dúas obras xa publicadas, unha delas no eido da creación citeraria, outra no eido da investigación de ensaio. Máis información aquí.

«Ricardo Martínez-Conde dá un paso máis no seu particular atlas de haikus coa publicación Occitania, un libro composto “desde a humildade”». (Galicia Hoxe)

«Espiral Maior publícaas na súa colección Spiralia, canda a unha antoloxía de Manuel Rivas, unha de poesía galega dos cincuenta e outra dos séculos escuros.

As cinco obras presentaranse en Madrid en marzo, nun acto conxunto. Entre o máis salientábel da colección figura a antoloxía de Lois Pereiro, nunca antes traducida ao castelán, así coma a de Manuel Rivas, que incluirá poemas inéditos e Códice Calixtino, de Luz Pozo Garza.». (Vieiros)

Ramón Nicolás Rodríguez comandará un obradoiro de lectura no Centro Social de Caixanova en Vigo. Será os días 15, 22 e 29 de xaneiro, e 12 e 19 de febreiro, en horario de 18:30 a 20:30 horas.

Até o 31 de marzo de 2008. Convoca: IES Gregorio Fernández de Sarria (Lugo). Información: tel. 982 530 030.

«O poemario multimedia Textos biónicos, de Estíbaliz Espinosa, pode ser xa descargado na Regueifa plataforma en .pdf, e podemos escoitar tamén os seus temas.» (A Nosa Terra)

A Asociación Cultural Alexandre Bóveda da Coruña informa da celebración dunha charla do escritor Lois Diéguez, intitulada “Dunha nación e dun tempo: autobiografía literaria”. Será o vindeiro xoves 10 de xaneiro, ás 20:30 horas, no salón de actos da asociación (R/ Olmos 16-18, 1º), con entrada libre. (Asociación Cultural Alexandre Bóveda)