::Axenda cultural AELG:: » Premios narrativa: convocatorias

XXII Premio de Narrativa Torrente Ballester

admin — Fri, 05 Mar 2010 11:45:43 +0000

Co obxectivo de contribuír a mellorar a calidade fabuladora e creativa que caracteriza aos nosos escritores, así como de homenaxear ao ferrolano Gonzalo Torrente Ballester, a Deputación Provincial da Coruña convoca o XXII Premio de Narrativa “Torrente Ballester”, dotado con 25.000 €. O prazo de recepción de orixinais remata o 1 de xullo de 2010. Bases (PDF, 46 KB)

Fina Casalderrey, titora do VI Premio Biblos-Pazos de Galicia

admin — Mon, 01 Mar 2010 14:33:39 +0000

Premio Nacional de Literatura Infantil e Xuvenil en 1996 e autora de máis de medio cento de libros, Fina Casalderrey (Xeve-Pontevedra, 1951) será a titora do gañador ou gañadra do 6º Premio Biblos-Pazos de Galicia de novela para menores de 25 anos. O prazo de presentación de proxectos remata o vindeiro 16 de marzo.

IX Certame literario de relato de aventuras “Antón Avilés de Taramancos”

admin — Fri, 19 Feb 2010 00:27:08 +0000

Bases do IX Certame literario de relato de aventuras “Antón Avilés de Taramancos”.

1.- Poderán concorrer ao Certame de Relato de Aventuras todas as persoas, maiores de idade, de calquera nacionalidade, cun único traballo en galego de temática libre que sexa inédito, encadrado no relato de aventuras

2.- A obra, cunha extensión entre 70.000 e 100.000 caracteres, presentarase por cuadriplicado en mecanografados por unha soa cara, debidamente grampados, cosidos ou encadernados sen sinatura e
cun lema, utilizando o sistema de plica.

3.- O prazo de admisión dos orixinais rematará o día 30 de abril de 2010

4.- Os traballos serán remitidos a:

Concello de Noia
Rosalía de Castro, 2
15200 Noia (A Coruña)

5.- Estabelécese un único premio de 3000 €, ademáis dunha escultura conmemorativa do artista noiés Alfonso Costa, e a publicación da obra gañadora por parte do Excmo.Concello de Noia. O importe do premio estará suxeito á lexislación fiscal vixente.

6.- O xurado terá todas as facultades para a decisión do premio, que poderá quedar deserto, e para interpretar as bases. Estará composto por persoas de recoñecido prestixio no eido das letras galegas e emitirá públicamente o seu veredicto o día 28 de maio de 2010.

7.- Os traballos non premiados serán devoltos, previa solicitude, e os restantes destruídos transcorridos vinte días desde a data do veredicto do Certame. Non poderán participar neste certame os autores premiados en edicións anteriores.

8.- O feito de concorrer ao Certame implica a aceptación das devanditas bases.

Convocados os Premios Xerais de Novela e Merlín de Literatura Infantil

admin — Fri, 22 Jan 2010 08:41:39 +0000

Un ano máis, Xerais convoca os seus Premios Literarios que se fallarán na Festa Xerais o sábado, 12 de xuño de 2010.

XXVIIª edición do Premio Xerais de Novela dotado con 25.000 euros. Bases: PDF, 34 KB

XXVª edición do Premio Merlín de Literatura Infantil dotado con 10.000 euros. Bases: PDF, 35 KB

VI Premio de Creación Literaria Biblos-Pazos de Galicia

admin — Mon, 18 Jan 2010 21:55:04 +0000

BIBLOS CLUBE DE LECTORES, S.L., co propósito de contribuír ao achegamento e a participación das mozas e mozos na cultura galega, e de descubrir aqueles creadores máis novos que poidan ter unha obra de interese necesitada de apoio para a elaboración final e a súa proxección pública, convoca o 6º PREMIO DE CREACIÓN LITERARIA BIBLOS-PAZOS DE GALICIA PARA MOZAS E MOZOS, co copatrocinio de Pazos de Galicia. Bases: DOC, 26 KB.

4º Premio de Literatura Infantil-Xuvenil Meiga Moira

admin — Thu, 14 Jan 2010 14:59:23 +0000

Baía Edicións vén de convocar o 4º premio Meiga Moira de creación literaria
infantil-xuvenil, que se rexerá polas bases (PDF, 110 KB) que atoparán na páxina web de Baía Edicións.

O premio, que poderá quedar deserto, considerará un único galardón, ao que se lle asigna unha dotación económica de 2.500 euros. A obra será publicada por Baía Edicións na súa colección Meiga Moira.

O prazo de recepción de orixinais remata o 17 de Maio e a súa resolución darase a coñecer o 1 de outubro de 2010.

Oito días para que peche o prazo de admisión de orixinais no Premio Blanco Amor

admin — Tue, 22 Dec 2009 22:08:00 +0000

O XVIII Premio Blanco Amor de novela, convocado en 2010 polo Concello de Poio, pecha o vindeiro mércores 30 de decembro o prazo de admisión de orixinais. Descargar as bases: PDF, 976 KB.

XVII Premio Lueiro Rey de novela curta

admin — Fri, 18 Dec 2009 16:27:56 +0000

Coa finalidade de honrar a memoria do escritor Manuel Lueiro Rey, na vontade de coadxuvar na promoción da escrita literaria en lingua galega e na divulgación dos seus autores e autoras, e como resultado dun convenio de colaboración con Sotelo Blanco Edicións, o Concello do Grove convoca o XVII Premio Manuel Lueiro Rey de Novela Curta, dotado con 3.000 euros e que se rexerá polas seguintes

BASES

Primeira.- Será concorrente ao Premio calquera persoa física, que presente o seu texto en Lingua Galega, conforme ás Normas Ortográficas vixentes. Os textos presentados, amais de seren inéditos e totalmente orixinais, han ter unha extensión mínima de cincuenta (50) páxinas e unha extensión máxima de cen (100) páxinas, tamaño folio, de dúas mil matrices cada páxina, aproximadamente.

Segunda.- Con cada un dos textos concorrentes, presentaranse cinco copias en papel e unha en soporte dixital, nun documento de Word, antes do día 30 de xaneiro do ano 2010, remitíndoas ao enderezo seguinte:

XVII Premio Manuel Lueiro Rey
Concello do Grove
Praza do Corgo s/n
36980 O Grove (Pontevedra)

Terceira.- Xunto o texto, que irá precedido polo título e o lema escollido polo autor ou autora, xuntarase un sobre pechado no que figure no exterior o lema e mailo título e que no interior conteña o nome completo, enderezos postal e electrónico e o teléfono de quen sexa autor ou autora do mesmo, así como o título do libro; indicando no sobre XVII Premio Manuel Lueiro Rey de novela curta.

Cuarta.- O xurado estará composto por cinco membros especialistas en literatura. Un deles será o gañador, ou gañadora, da edición anterior do premio, dous serán nomeados polo Comité Organizador e os dous restantes participarán en representación de Sotelo Blanco Edicións. O premio outorgarase por maioría de votos. Actuará como secretario do xurado, con voz e sen voto, o concelleiro de Cultura do Concello do Grove. Os membros do xurado serán dados a coñecer antes da concesión do premio.

Quinta.- A decisión do xurado, que será inapelable, e darase a coñecer durante o mes de abril do 2010.

Sexta.- O premio, que é indivisible, poderase declarar deserto, caso de o xurado así o estimar en decisión inapelable.

Sétima.- A editorial Sotelo Blanco, segundo acordo co Concello do Grove, e en calidade de entidade colaboradora, resérvase o dereito de publicación, sen limitación do número de exemplares nin de edicións, da obra gañadora, reservándose tamén os dereitos preferentes de edición da mesma en lingua galega coa posibilidade de cederlle tales dereitos a terceiros.

A contía do premio considerarase en concepto de adianto polos dereitos de autor. O beneficiario do premio, que se compromete a renunciar expresamente a calquera pretensión sobre os devanditos dereitos, recibirá gratuitamente 25 exemplares da obra publicada, que lle serán entregados pola editorial que publica a obra. Todo esto sen menoscabo do regulado pola Lei da Propiedade Intelectual vixente, que prevalecerá sobre o Convenio mencionado.

Oitava.- Os orixinais non premiados poderanse recuperar, con cargo aos autores e autoras concorrentes, logo de pasados quince días da data do fallo. Os orixinais que non fosen retirados destruiranse pasados trinta días da emisión do fallo do xurado.

A participación neste premio significa a completa aceptación das presentes bases e mais das decisións do xurado que se designe.

O Grove, 15 de decembro de 2008

Máis información: Concellería de Cultura do Concello do Grove, 608 216 967

XII Certame de narración curta Ánxel Fole

admin — Thu, 05 Nov 2009 12:54:57 +0000

A Concellería de Cultura e Turismo do Concello de Lugo convocou a XII edición do certame de narración curta “Ánxel Fole”. O prazo de presentación remata o 30 de decembro. Descargar bases en PDF.

Certame Literario da Asociación Francisco Lorenzo Mariño

O levantador de minas — Tue, 22 Sep 2009 20:51:46 +0000

Certame de poesía e relato curto. Data límite: 16 de outubro.Bases.

Bases XXXV Certame Nacional Galego de Narracións Breves “Premio Modesto R. Figueiredo”

O levantador de minas — Mon, 07 Sep 2009 15:37:57 +0000

A Fundación do Padroado do Pedrón de Ouro, coa colaboración da Concellería de Cultura e a Biblioteca Pública do Concello de Arzúa, organiza o Certame Nacional Galego de Narracións Breves baixo o nome de “Premio Modesto R. Figueiredo”. O prazo de presentación de orixinais remata o 15 de novembro. Bases (PDF, 14 KB)

Animacam, certame de relatos de tradición oral

O levantador de minas — Mon, 20 Jul 2009 08:30:20 +0000

O certame de relatos é unha sección paralela anual de Animacam aberta a todos os usuarios da web para publicar, difundir e/o compartir textos relacionados coa literatura de tradición oral das súas respectivas culturas de orixe. Trátase de transcribir ditos relatos de tradición oral e construir así unha biblioteca deste tipo de manifestacións narrativas.

Destinatarios: Tódolos públicos, de calqueira nacionalidade.
Requisitos: Rexístrate como usuario na web e crea ou transcribe relatos da tradición oral do teu país que non foran publicados.
Idioma a utilizar: calquera das catro oficiais (Galego, Español, Portugués, Inglés)
Premio: lote de libros promocionais de Galicia e da súa cultura, procedente dos fondos editoriais das entidades Xacobeo S.A., Turgalicia S.A., e da Dirección Xeral de Promoción e Difusión Cultural da Consellaría de Cultura.
Prazo: Ata o 23 de outubro do 2009.

VI Certame de narración curta Concello de Curtis “Curtis treme”

O levantador de minas — Thu, 14 May 2009 21:16:41 +0000

Bases

1. Convócase o VI Premio de Narración Curta do Concello de Curtis “CURTIS TREME” (con temática de terror).

2. Os textos presentados deberán estar escritos en lingua galega.

3. Os orixinais, inéditos e non premiados en ningún outro certame, deberán ter unha extensión comprendida entre os 3000 e 5000 caracteres (espazos incluidos).

4. Presentaranse 4 copias de cada traballo, asinándoas todas cun lema ou pseudónimo. Achegarase tamén un sobre pechado que conteña os datos do autor/a (nome completo, fotocopia do D.N.I, enderezo e teléfono de contacto). No exterior dese sobre indicarase o lema ou pseudónimo e a categoría á que pertence.

5. Entregaranse antes do 20 de outubro na seguinte dirección:
“CURTIS TREME”, Concello de Curtis, Praza de España nº 1, 15310 Teixeiro-Curtis (A Coruña)

6. Establécense catro categorías: A, dos 12 ós 18 anos; B, dos 19 anos en diante; C, persoas que teñan entre 12 e 18 anos empadroadas no pobo de Curtis; e D, persoas de 19 anos en diante empadroadas no pobo de Curtis; e un premio económico para cada categoría: 150 euros (A), 250 euros (B), 150 euros (C) e 250 euros (D).

7. En calquera das categorías o premio poderá quedar deserto se o xuri considera que os presentados non acadan un mínimo de calidade.

8. Os traballos que non cumplan as presentes bases quedarán fóra de concurso.

9. O xuri estará composto por membros de recoñecido prestixio dentro do mundo da creación literaria.

10. Os traballos premiados pasan a ser propiedade do Concello de Curtis, que se reserva o dereito de publicación a través dos medios que considere oportunos e sen afán de lucro.

11. A presentación das obras supón a aceptación destas bases.

Para calquera dúbida, escribir ó correo electrónico do certame.

GZ Crea, certame galego de novos creadores

O levantador de minas — Fri, 17 Apr 2009 09:11:13 +0000

Até o 5 de xuño está aberto o prazo de presentación de solicitudes do certame GZ Crea, ao que poden optar os creadores galegos entre 16 e 30 anos de idade nas seguintes cateogrías: Teatro, Artes plásticas, Moda, Música, Relato Breve, Poesía, Videocreación, Banda deseñada, Graffiti, Carteis e Deseño de xoias. Poden ler as bases neste enderezo.