Será na Fundación Caixa Galicia de Santiago, o martes 26 de febreiro ás 20:00 horas, coa participación de Rosario Sarmiento, Víctor F. Freixanes, Dolores Vilavedra e María Xosé Agra.

O martes 26 de febreiro, ás 20:00 horas, a Galería Sargadelos da Coruña (Rúa Real, 56) contará coa presenza de Xulio López Valcárcel nunha nova edición do ciclo quincenal “Martes Literarios”.

«Este xoves día 21, ás 20:30 horas, o local de Implicadas/os No Desenvolvemento (Avda. Camelias, 49-escaleira, Vigo) acollerá o segundo dos clubs de lectura organizados por Implicadas No Desenvolvemento en Vigo, uns encontros participativos destinados a persoas amantes da
lectura e preocupadas polos problemas do mundo. Nesta sesión, na que se analizará e debaterá o libro-dvd O son das buguinas (Edicións Xerais), a escritora viguesa Dolores Ruíz contribuirá ao debate coas lectoras e lectores, en calidade de autora dun dos múltiples relatos que compoñen o libro.

Lembramos que o libro O son das buguinas conta con relatos de Rosa Aneiros, Agustín Fernández Paz, An Alfaya, Marilar Aleixandre, Dolores Ruíz, Fran Alonso e María Reimóndez, e co traballo gráfico de Xulia Barros e Paco Vila, a través dos que se rememoran as causas e consecuencias da tsunami de decembro de 2006.
Aquelas persoas que estean interesadas en participar no clubs de lectura, de xeito totalmente gratuíto, so teñen que acudir o día sinalado á sede de Implicadas No Desenvolvemento, aínda que cómpre lembrar que para poder participar no Club de Lectura é necesario ter lido todo ou unha parte do libro a debate.» (Implicada/os no Desenvolvemento)

Dentro da programación da Concellaría de Cultura do Concello da Coruña, o mércores 13 de febreiro terá lugar unha mesa redonda sobre o himno galego a cargo de Fernando López-Acuña e Manuel Ferreiro. Será ás 20:00 horas na Casa Casares Quiroga.

No Palau de la Virreina (La Rambla, 99) o próximo 5 de febreiro, ás 19:30 horas, os escritores Xosé Miranda e Diego Ameixeiras participarán na mesa redonda “Negra i gallega. La narrativa policial a Galícia, avui”, moderada por Joaquim Ventura.

O Concello de Carballo e o Café Valle Inclán convidan á conversa coa escritora Anxos Sumai, autora de Así nacen as baleas, dentro do proxecto Literactúa de difusión do libro e da lectura en galego en Carballo. Será o mércores 30 de xaneiro ás 20:30 horas no Café Valle Inclán (Rúa de Valle Inclán 32, Carballo).

Editorial Galaxia anuncia a derradeira mesa redonda do ciclo “As caras do libro”, dedicada a “Os libros de mañá. Novas tecnoloxías e novas linguaxes”. Participarán Óscar Sánchez (físico e autor do blog Días estranhos), Francisco Castro (escritor e autor do blog A canción do náufrago), Rosa Aneiros (escritora e xornalista dixital), María Yánez (xornalista dixital), e Manolo Gago (director de culturagalega.org) como moderador. Será o mércores 23 de xaneiro, ás 19:30 horas, no Auditorio da Fundación Caixa Galicia (Policarpo Sanz, 21, Vigo).

O luns 21 de xaneiro o escritor Diego Ameixeiras reunirase co Club de lectura da Biblioteca de Pontevedra ás 19:30 horas. Comentará a obra galardoada co Premio Xerais de Novela 2006.

O martes 22 de xaneiro, ás 20:00 horas, a Galería Sargadelos da Coruña (Rúa Real, 56) contará coa presenza de Claudio Pato nunha nova edición do ciclo quincenal “Martes Literarios”.

A Dirección Xeral de Cedro promove argumentos para defender o dereito a cobrar dereitos de autor pola existencia de copias privadas. Anima os autores a que interveñan neste debate nos medios de comunicación de modo que a sociedade coñeza os argumentos en favor dos fundamentos que posibilitan os recursos da Cedro e así os apoios que ofrece á súa nómina de escritores. Para isto está a divulgar as opinións públicas de plumas destacadas así como un texto que leva por título “Compensación por copia privada para autores e editores”, que a seguir ofrecemos:

Prezado/a socio/a:
Como sabe, nos últimos meses a compensación para autores e editores pola copia privada das súas obras foi posta en cuestión. Tanto é así que se chegou a presentar unha iniciativa no Senado para propoñer a súa desaparición durante o ano 2008, aínda que finalmente non foi aprobada no Congreso.
En CEDRO consideramos que é imprescindíbel que os autores e os seus editores se manifiesten publicamente e informen do seu dereito a recibir unha compensación adecuada polo uso das súas obras, instando a que se deixe de cuestionar reiteradamente o sistema de dereitos de autor.
Da compensación por copia privada dependen máis do 90 % das cantidades que a nosa Entidade distribúe cada ano nos repartos individuais aos titulares de dereitos, así como as actividades de
promoción do libro e as axudas e prestacións aos autores para gastos sanitarios non cubertos pola seguridade social, como gafas ou tratamentos dentais, que leva a cabo CEDRO e que redundan en
beneficio de todo o sector do libro.
Por este motivo, prégolle que, na medida das súas posibilidades, exprese a súa opinión naqueles medios de comunicación nos que colabore (blogues, revistas, xornais, radios, televisións, etc.) para
así lograr transmitir a importancia de que se recoñeza e remunere xustamente o traballo de autores e editores no noso país.
A seguir presentamos algunhas ligazóns para artigos nos que distintos escritores mostran a súa posición favorábel a este sistema:
- Vicente Molina Foix: El canon cerrado y sus enemigos (El País, 8 de enero del 2008)
- Javier Marías: Tiempos saqueadores (El País Semanal, 6 de enero del 2008)
- Ángela Vallvey: Y un rábano (La Razón, 23 de diciembre del 2007) (este contenido solo es accesible para los suscriptores de La Razón.)
- Vicente Molina Foix: Manteca y canon (El País, 21 de diciembre del 2007)
- Arcadi Espada: Canon (El Mundo, 21 de marzo del 2007)

Unha forte aperta,
Magdalena Vinent
Directora Xeral
Tel.: 91 308 54 55
direccion@cedro.org