«Jaureguízar é máis de Kafka que de Valle-Inclán. Lembra o moito que leu ao escritor alemán cando tiña vinte anos ou cando acudía ao circo para ver como o domador se metía na gaiola dos leóns. Algo daquilo chegou até a súa novela O Globo de Shakespeare que o sábado recibiu o VIII Premio Terra de Melide, dotado con 6.000 euros, sobre o descubrimento do manuscrito do primeiro Hamlet, perdido dende finais do século XVI e agochado nun pazo do Ribadeo do século XXI. [...]» (Galicia-Hoxe)

(Vieiros)

«Do relato gañador, O vestiario máxico do abade, do pontevedrés Francisco Rozados, destacaron “o discurso Cunqueirano, a súa riqueza de vocabulario e a súa calidade literaria”. Do segundo clasificado, As sete tristes notas do meu vals, da ceense Rocío Leira, destacaron o feito de que como un relato tan breve poida enganchar ao lector pola súa poesía, a súa lírica e a súa densidade. O premio Ánxel Fole, que organiza a Concellería de Cultura e Turismo do Concello de Lugo, contou este ano con 38 candidatos na categoría de galego.» (Vieiros)

(A Nosa Terra)

A coruñesa Chelo Suárez gañou o certame coa súa novela Os Milagres de Cristamar, unha historia “irreverente”, cunha linguaxe elaborada e trasfondo lírico.

Ditame do XXXIII Premio nacional de narracións curtas Modesto R. Figueiredo, da Fundación do Pedrón de Ouro (en colaboración coa Concellería de Cultura do Concello de Ourense):
Primeiro premio:
A caixa da costureira, de Rubén Ceide Martínez, de Lugo.
Segundos premios para:
Esperado regreso, de Alberto E. Aneiros, de Compostela.
Desartellados, de Manuel Quintáns López, de Compostela.
O xurado recomendou a publicación de:
Breve historia do pensamento contaxioso, de Xosé Luís Martínez Pereiro.
O ascensor, de Chelo Suárez Muíños.
Bonaval, de Adolfo Caamaño Vázquez.

O Acto de entrega será o 29 de decembro no Concello de Ourense.

«Con posterioridade á entrega do Premio García Barros a Francisco Castro, o Concello da Estrada e Editorial Galaxia organizaron este ano, por primeira vez, unha Cea Literaria na que escritores, críticos e editores reflexionaron ao redor dun tema central relacionado coa obra premiada.

Os novelistas Xerardo AgraFoxo, Alfonso Álvarez Cáccamo, Francisco Castro, Manuel Darriba, Jaureguizar, Xosé Monteagudo, Antón Riveiro Coello, Séchu Sende e Anxos Sumai, na compaña do crítico literario Xosé Manuel Eyré e mais dos editores Víctor F. Freixanes e Carlos Lema, que se encargou de conducir o debate, mantiveron un coloquio sobre “Ficción e verosemellanza: da imitación da realidade á novela histórica”. [...]» (Editorial Galaxia)

«A obra A choiva do mundo do avogado e profesor de Dereito Xosé Manuel Pacho Blanco, obtivo o XIX Premio de Narrativa Torrente Ballester, convocado pola Deputación da Coruña. O galardón está dotado con 25.000 euros e a publicación da obra premiada.» (Xeración Web)

Será na Fundación Luís Seoane d’ A Coruña o 15 de novembro ás 20:30 horas.

«O título marca o regreso do autor á literatura de adultos, logo de dedicar ao público máis xuvenil os seus últimos traballos. Trátase dunha novela histórica ambientada no século XVI que percorre diversos espazos da xeografía española.» (La Voz de Galicia)