Eduardo Alonso recibiu onte o Premio Max das Artes Escénicas á mellor obra de teatro en galego por Extrarradios (Comedia das mulleres desamparadas). A listaxe completa de gañadores, neste enderezo.

O xurado do Terceiro Premio “Diario Cultural” de Teatro Radiofónico decidiu por maioría, e despois dun longo debate, outorgarlle o galardón desta edición á obra Peter Buckley, escrita por Rubén Ruibal e César Candelas Colodrón. O Premio da audiencia foi tamén para Peter Buckley. Quedaron finalistas as obras Servizo de información de Paula Carballeira e O xou mas gou on de Eva Freixeira. As tres obras finalistas publicaranse nun libro-cd editado por Xerais. A presentación deste libro e a entrega do premio terá lugar o vindeiro 15 de abril no transcurso dunha Gala no Teatro Rosalía de Castro da Coruña.

-Escoitar Peter Buckley de Rubén Ruibal e César Candelas Colodrón: [1]

-Escoitar Servizo de información de Paula Carballeira: [2]

-Escoitar O xou mas gou on de Eva Freixeira: [3]

Antes do 13 de abril de 2009. Bases.

En Relato, os premiados foron:

1º Premio: Iria Ameixeiras Cundíns, de Zas, pola obra A confraría das palabras

2º Premio: Carmen Núñez Sande, de Muros, pola obra Sin título

3º Premio: Martina Vázquez Suárez, da Coruña, pola obra Muller en seis pezas

En Poesía, concedéronse os seguintes premios:

1º Premio: Lara Dopazo Ruibal, de Marín, pola poesía Dende Illa Peixe

2º Premio: Valentina Carro Padín, de Cambados, coa poesía Ciclopes Pintábanse con Rimmel e Saian Angulos

3º Premio: David Pérez González, da Pobra do Caramiñal, coa obra Poesía Primeira de Amor, Desamor e Arrefriado

Mención de honra: Xosé Daniel Costas Currás, de Moaña, pola poesía Revoluciona(Me)

En Teatro, os premiados foron:

1º Premio: Spasmo do IES Santa Irene, de Vigo, por Presas

2º Premio: Bicodobrelo, de Catoira, pola obra Comedia bífida

3º Premio: Andaravía Teatro da A.C. Papaventos, de Vedra, coa obra Metus Extremus

(Vieiros)

[...] O xurado do certame, convocado pola Fundación Xosé Neira Vilas, elixiu a obra presentada por Bernardino Graña baixo o lema “Larpancia saborosa do lobo e da raposa”. Na acta, os membros do xurado destacan que a obra exemplifica de xeito humorístico o mundo dos contrastes, o do reino animal fronte ao dos humanos, ou a inxenuidade fronte á ambición [...]. (Galicia-Hoxe)

Xosé A. Neira Cruz alzouse co Barriga Verde de Textos para Teatro de Monicreques na modalidade de teatro para rapaces con O punto da escarola. (Concellaría de Cultura e Deporte)

Teresa González Costa é a gran triunfadora da edición 2008 dos premios de literatura dramática convocados pola AGADIC. A autora obtivo os premios Álvaro Cunqueiro para Textos Teatrais e Manuel María de Literatura Dramática Infantil polas obras Sempre quixen bailar un tango e Pingueiras e tarteiras, converténdose na primeira persoa que gaña os dous galardóns. A autora desenvolveu a súa actividade teatral en longas estadías en Italia, Francia e Suíza. (Vieiros)

Este é o ditame do VI Certame de Teatro Infantil e Xuvenil “Atenea 2008”:

«O Xurado do VI Certame de Teatro Infantil e Xuvenil “Atenea 2008”, que organiza o Ateneo Ferrolán, co patrocinio de Caixa Nova, composto por María José Doce Rey, Aurora Rivas Hermida, Esperanza Vidal Martínez e Francisco Oti Ríos acordou o seguinte FALLO:

1) Conceder o Premio de Categoría Especial ao grupo de teatro do Colexio “Carmen Polo”, dirixido por María Victoria Suárez.

2) Conceder Premio a:

* Grupo do CEIP “Centieiras” do concello de Fene coa obra “Todo é un conto”, dirixido por Mª Cointa Pazos García.

* Grupo “Atios”, do CEIP “Atios”, coa obra “O galo Quirico”.

* Grupo do CEIP “Cruceiro Canido”, coa obra “Berenguela”, dirixida por Maravillas Beceiro.

* Grupo da Asociación Os Amigos “Arco Iris” do Concello de Valdoviño coa obra “A Farsa das zocas” dirixida por Lucía Caneiro.

* Grupo IES CARBALLO CALERO coa obra “Un casting para Melchor” dirixida por MMª Pilar Patiño.

* Grupo “Pasapadentro” da Asociación Cultural Melandrainas de Arteixo, coa obra “La niña que riega las albahacas” dirixida por Marga Fernández e Queta Soto.

Todos eles recibirán un premio, de igual cuantía, por un total de 250 Euros, doados por Caixa Nova, ACTO que terá lugar o próximo venres día 20 ás oito da tarde no salón de actos do Ateneo Ferrolán.» (Ateneo Ferrolán)

O venres 18 de abril terá lugar no hotel NH Alfonso IX ás 20:00 a entrega do VIII Premio de Poesía Fiz Vergara Vilariño á poeta Olalla Cociña.
«Comezaremos cun solo da bailarina Carmela Garcia, que interpretará a coreografía “El jardín”, coa que recibiu o Premio á bailarina sobresaínte no XXI Certame Coreográfico de Madrid. A continuación intervirán os membros do xurado Xosé Mª Álvarez Cáccamo, Yolanda Castaño e Martín Veiga, o concelleiro de Cultura do Concello de Sárria Xermán Arias, o alcalde de Sárria Claudio Garrido e a Presidenta da A.C. Ergueitos María Casar. O artista plástico Eduardo Valiña farálle entrega á gañadora dunha peza coa que contribúe a facer do Fiz Vergara Vilariño un encontro das artes. O mantedor do acto será X. A. Neira Cruz.
Remataremos a entrega do premio cunha actuación do dúo formado por Luis Soto (frauta da Real Filharmonía de Galicia) e Xosé Antonio Rodríguez (profesor de guitarra no Conservatorio profesional de Santiago de Compostela) interpretando obras de Piazola, Machado, Satie e Paulino Pereiro. Posteriormente haberá unha cea no mesmo hotel.
Nesta ocasión tamén nos sería moi grato poder terte neste acto que anova en cada edición o noso labor de manter viva a memoria do Fiz e de facer medrar a árbore da poesía cun novo poemario anainado na casa da Espiral Maior.» (María Casar, Presidenta da A. C. Ergueitos)

O 17 de abril ás 20:30 abrirase o Espazo Radioescénico en que se celebrará a entrega do II Premio Diario Cultural de teatro radiofónico, organizado pola Radio Galega en colaboración co Centro Dramático Galego. Será no Teatro Principal de Pontevedra (R/ Paio Gómez Chariño, s/n).

«Os Premios Nacionais de Literatura do Ministerio de Cultura correspondentes a 2007 distinguiron a Vicente Molina Foix, en Narrativa; Olvido García Valdés, en Poesía; José María González García, en Ensaio; e en Literatura Dramática en Rubén Ruibal. Na categoría de Literatura Infantil e Xuvenil, a distinción recaeu en Jordi Sierra i Fabra; e en Historia de España en Luís Gil Fernández. [...]» (Galiciae)

«O xurado do VI Premio de Poesía Caixanova decidiu onte outorgarlle o galardón a Carlos Penela Martín pola obra Sombras, rosas, sombras. O certame, con 12.000 euros, un dos mellor dotados de Galicia, é dos máis importantes que se convocan nas diferentes linguas do Estado.

O xurado, composto por Luís González Tosar, escritor e presidente do PEN Clube de Galicia; Marilar Aleixandre, gañadora do V Premio de Poesía Caixanova; Dolores Sánchez Palomino, profesora da Universidade da Coruña; Bieito Arias Freixedo, profesor da Universidade de Vigo, e Xosé Manuel Salgado Rodríguez, profesor na Universidade de Santiago, decidiu por unanimidade entregarlle o galardón ó texto de Penela pola súa “solidez poética”, tanto no aspecto formal coma no desenvolvemento dunha linguaxe innovadora e o mantemento da tensión estética. [...]» (Galicia-Hoxe)