O Pino: II Festa da Narración Oral de Galiza
04 Xullo 2008
(Vieiros)
Comezou en Barcelona o “Maio Cultural Galego”
29 Maio 2008
Véxase o programa que comezou este día 29 na páxina de Rede.cat. Os actos desenvólvense na Sala d’Actes do Casal d’Associacions Juvenils de Barcelona (Ausiàs Marc, 60).
VII Maratón de Lectura en Galego na Coruña
30 Abril 2008
O Centro Cívico Municipal dos Mallos da Coruña organiza o VII Maratón de Lectura en Galego. Seró o 13 de maio no salón de actos do centro de 17:00 a 20:30. Consistirá nunha lectura pública dun fragmento dun autor ou autora: Xosé María Álvarez Blázquez, Luz Pozo, Manuel Rivas, Lino Braxe, Castelao… ou dun texto de creación literaria propia.
Ás persoas interesadas facilitaráselles quenda de lectura durante a celebración do Maratón. Para isto é preciso porse en contacto co centro cívico.
Xabier Docampo ofrecerá este xoves unha charla sobre oralidade e literatura
23 Abril 2008
O escritor Xabier Docampo ofrecerá este xoves unha charla sobre oralidade e literatura. A VIII Campaña de Animación á Lectura ‘O eco da memoria’ -organizada pola Concellaría de Educación de Santiago e a editorial Kalandraka- celebra esta semana dúas actividades formativas para adultos impartidos pola Asociación Baión de Tratamento do Autismo (BATA) e o escritor Xabier Docampo.
O mércores 23, coincidindo co Día do Libro, a educadora María Alonso González, de BATA, impartirá unha charla titulada “Animar a ler dende a diversidade: o ritmo e a lectura”, na que vai ofrecer métodos para o achegamento ao libro para as persoas con discapacidade intelectual. (KALANDRAKA)
Obradoiro sobre a “arte de contar” na Coruña
07 Febreiro 2008
Ao seu regreso de Londres, onde estivo realizando un entrenamiento sobre narración oral, a actriz María Inés Cuadrado ofrecerá un obradoiro sobre a arte de contar dirixido a todas aquelas persoas que queiran obter recursos para gozar desta máxica actividade.
Esta proposta consta de 15 horas de traballo intensivo sobre os estímulos para crear historias, o “aterezo” material e emocional do/a narrador/a, exercicios prácticos individuais e grupais para lle dar vida ao relato, recursos para a participación dos oíntes, tendo en conta a potencia da voz, a expresividade do corpo e a utilización do espazo.
Terá lugar en febreiro do sábado 23 (16 a 21) ao domingo 24 (de 9 a 14 e de 16 a 21) no Teatro del Andamio. Ás 19 horas do domingo a clase abrirase ao público para poder amosar e compartir os traballos realizados. O custe do obradoiro é de 80€. Informes e inscrición exclusivamente no 699 28 88 61. (Teatro del Andamio)
II Certame de Recolla da Tradición Oral
20 Decembro 2007
Os centros educativos interesados deberán presentar os traballos antes do 1 de maio de 2008. Información escribindo aquí: info@opatrimonio.org
Polafía en Cerdedo
30 Novembro 2007
O sábado 1 de decembro, ás 19.00 na Antiga Cámara Agraria, terá lugara a Polafía de Cerdedo (Pontevedra). A presentación está a cargo de Carlos Solla e Antonio Reigosa. Máis información.
Polafía de Vilar de Santos
22 Novembro 2007
O sábado 24 de novembro, ás 19.00 no Museo da Limia, terá lugara a Polafía de Vilar de Santos (Ourense). A presentación está a cargo de Cástor Castro Vicente e Antonio Reigosa. Máis información.
