O escritor Xabier Docampo ofrecerá este xoves unha charla sobre oralidade e literatura. A VIII Campaña de Animación á Lectura ‘O eco da memoria’ -organizada pola Concellaría de Educación de Santiago e a editorial Kalandraka- celebra esta semana dúas actividades formativas para adultos impartidos pola Asociación Baión de Tratamento do Autismo (BATA) e o escritor Xabier Docampo.
O mércores 23, coincidindo co Día do Libro, a educadora María Alonso González, de BATA, impartirá unha charla titulada “Animar a ler dende a diversidade: o ritmo e a lectura”, na que vai ofrecer métodos para o achegamento ao libro para as persoas con discapacidade intelectual. (KALANDRAKA)

«Dentro das actividades da AS-PG está a de dotar ao profesorado de materiais innovadores utilizando os recursos que nos proporcionan os medios audiovisuais e as novas tecnoloxías. Neste contexto situamos o vídeo É. O Verbo de M.ª dos Anxos González Refoxo e Xoán Carlos Rábade Castiñeira, que será presentado o 3 de marzo ás 19:30 no salón de actos do IES do Eusebio da Guarda (Praza de Pontevedra, A Coruña).

Destinado ao ensino secundario, materializa o esforzo de levar a imaxes unha cuestión tan complexa dentro da gramática como o verbo, explicándoa cun método totalmente innovador e supondo, por primeira vez en todas as linguas do noso contorno (só existe outro, E non chegou a ser palabra… sobre os afixos léxicos, dos mesmos autores), a edición dun material audiovisual sobre o funcionamento da lingua. A través de técnicas audiovisuais de animación, estúdase o verbo en todos os seus aspectos: concepto de verbo, elementos e valores, morfemas, irregularidades nos morfemas… A finalidade é tornar claros e amenos uns contidos gramaticais que á maioría do alumnado resultan áridos e problemáticos, utilizando a imaxe como elemento esclarecedor da base teórica.» (AS-PG)

A Galería Sargadelos Ferrol realizará este sábado 1 de Marzo de 11 a 13 horas da mañá unha nova sesión da campaña de animación á lectura “Educar para ler” que ven realizando nos últimos anos. Nesta ocasión, a encargada da actividade é a actriz e escritora Fusa Guillén, quen traballará cos libros Pampón tiña razón e O segredo de Daniel, ámbolos dous pertencentes ao Colectivo Garola.

A finalidade do curso é capacitar aos docentes tanto técnica como formalmente no mundo dos podcast; permitindo aplicar as novas tecnoloxías da comunicación ao seu cometido docente. (AS-PG)

“A quinta edición do Premio de Literatura Infantil Pura e Dora Vázquez xa ten gañador: o escritor Miro Villar. E unha finalista, Concha Blanco. Ambos de Cee, coa obra Os poderes máxicos de Aitema.

Villar, profesor de lingua e literatura galega, poeta, narrador, tradutor e crítico literario, alzouse co galardón literario polo seu orixinal O nariz de Fiz. Segundo a valoración do xurado, o orixinal do escritor que formou parte do Batallón Literario da Costa da Morte, «recolle a historia dun particular Pulgarcito galego, trátase dunha historia doutro tempo escrita cun rico léxico e no que se fomentan amplos valores positivos como o de amizade, familia…» […]” (La Voz de Galicia)

Até o 22 de novembro de2007. Bases.

(Xornal.com)

A Iª Festa da Narración Oral celebrarase en Arca - O Pino (A Coruña) o sábado 7 de xullo de 2007. Está aberto o prazo de inscrición (consultar aquí). Na Festa haberá actividades de formación de educadores e educadoras (previa inscrición). Haberá tamén actividades abertas ao público de todas as idades, incluída a de contar contos (gratuíta, previa inscripción tamén).
Durante a xornada intervirán, entre outros/as: Carlos Blanco, Cándido Pazó, Miguel de Lira, Pepe Penabade, Paula Carballeira, Iolanda Aldrei, Pepa Yáñez, Xabier P. Docampo, Ugia Pedreira e o ilustrador Xosé Cobas.

O luns 7 de maio, de 12:00 a 13:30 horas, terá lugar a presentación do libro de Fina Casalderrey A lagoa das nenas mudas, editado por Xerais. No acto, enmarcado dentro da Campaña Educar para ler, intervirán a autora e Manuel Bragado, director de Edicións Xerais.
O mesmo luns 7 de maio, ás 20:00 horas, terá lugar a presentación do libro Textos filosóficos-políticos de Ramón Vilar Ponte, editado polo Servizo de Publicacións da Deputación de Lugo. O acto, en colaboración coa Asociación Cultural Medulio, será presentado por Elia Rico e Pilar García Negro, autora da introducción do libro.
O martes 8 de maio, ás 20:00 horas, o Grupo Gadisa celebrará o Día das Letras Galegas presentando o libro de José Díaz Dopico A noite de Reis, editado por Gadisa. O libro será presentado por Perille, Xosé María Dobarro, Antonio Cortés e Ana Lago, e contaremos coa presenza ademais do
autor e do artista Xosé María González Collado, ilustrador da obra.
O xoves 10 de maio, ás 20:00 horas, terá lugar unha mesa redonda sobre o uso do galego na ESO. No acto intervirán Eduardo Fra Molinero e Bernardo Máiz, profesores do IES Concepción Arenal e Anxos García Fonte, profesora do IES de Mugardos.
O venres 11 de maio, de 16:00 a 21:30 horas, terá lugar unha gravación en vídeo e unha sesión fotográfica da lectura de poemas clásicos e propios dos socios da Asociación de Escritores en Lingua Galega de Ferrolterra: Tucho Calvo, Francisco Pillado, Antón Cortizas, Rosa Méndez, Antonio Yánez,
Arturo Casas, Carmen Sotelo, Medos Romero, Xosé Leira , Ramón Loureiro, Alexandre Ripoll Anta, Xavier López, María José Lamas…

Venres 4: Homenaxe a Gonzalo Anaya co gallo da presentación do volume Gonzalo Anaya. La passió educativa, editado pola Universidade de Valencia. No acto intervirán Xesús Alonso Montero, Antón Costa, Antía Cal, Blanca Caamaño e Manuel Bragado. Ás 20 horas.
Xoves 10: Presentación do libro de Xosé Carlos Caneiro De bar en bar, editado por Difusora das Artes e das Letras. Ás 20:00 horas.
Venres 11: Presentación e recital co gallo da presentación do libro colectivo Volverlles a palabra. Homenaxe aos represaliados do franquismo. No acto recitarán Paula Mariño, An Alfaya, Francisco Pazos, Marta Dacosta, Marcos Juncal, Xesús Alonso Montero, Elvira Riveiro, Manuel Vilanova, Anxo Angueira, Xurxo Sierra Veloso, Vitor Vaqueiro, Manuel Veiga, Manuel Vidal Villaverde e Francisco Castro. Ás 20:00 horas.
Martes 15: Presentación do libro de Mariana den Hollander, El peso que + pesa, de Áurea Editores. Xunto coa autora participará no acto o escritor Francisco Castro. Ás 20:00 horas.
Martes 22: Presentación do libro O son das buguinas, editado por Xerais. Ás 20:00 horas.
Venres 25: Presentación do libro de César Cunqueiro, No Eurídice de nuevo, editado por Trea. Interveñen: Álvaro Huici (Director da colección e poeta) Martínez Haro (Catedrático de literatura de secundaria en Sevilla) a artista Uxía Blanco, que recitará poemas, e César Cunqueiro (poeta). Ás 20:00 horas. Ao remate do acto servirase un cóctel.
Martes 29: O día dos lector@s. Tertulia literaria dirixida polo escritor Francisco Castro. Ás 20:00 horas.