::Axenda cultural AELG::

Reelixido Alfonso García Sanmartín presidente da AGE

Alfredo Ferreiro — Wed, 23 Jul 2008 11:25:29 +0000

Alfonso García Sanmartín, de Rodeira-Edebé, foi reelixido presidente da Asociación
Galega de Editores. (AGE)

Silleda: Homenaxe a Ramón de Valenzuela

Alfredo Ferreiro — Tue, 22 Jul 2008 12:15:28 +0000

O mércores 23 de xullo terán lugar varios actos en lembranza de Ramón de Valenzuela.
1º) Acto cívico ás 20:00 na Praza da Feira da Bandeira coa participación de Mariví Villaverde (viúva do autor), Xosé Neira Vilas (escritor e académico) e Luís Bará (Director Xeral de Creación e Difusión Cultural da Consellaría de Cultura e Deporte). Logo procederase á inauguración da Rúa Ramón de Valenzuela.
2º) Acto de homenaxe na Casa da Viña, parroquia de Manduas. Descuberta de placa conmemorativa na casa natal, realizada polo artista silledense Jorge Conde.
(Adellís asociación socio-cultural - Comisión pola Memoria Siñor Afranio)

Emilio Alonso gaña o Premio novela por entregas de La Voz de Galicia

Alfredo Ferreiro — Tue, 22 Jul 2008 05:48:08 +0000

(La Voz de Galicia)

Berta Dávila gaña o premio Biblos

Alfredo Ferreiro — Tue, 22 Jul 2008 05:44:22 +0000

(Biblos)

Xosé Vázquez Pintor na Feira do Libro de Cangas

Alfredo Ferreiro — Mon, 21 Jul 2008 15:30:17 +0000

Xosé Vázquez Pintor lerá o pregón na Feira do Libro en Cangas o día 23 de xullo ás 20:00. A continuación, ás 21:00, terá lugar a presentación da súa novela Para dicir abril (Sotelo Blanco).

XXIV Certame literario Concello de Vilalba

Alfredo Ferreiro — Mon, 21 Jul 2008 15:17:31 +0000

Até o 22 de xullo de 2008. Máis información aquí.

Campaña “Europa é plurilingüe, quen sabe galego sabe máis”

Alfredo Ferreiro — Mon, 21 Jul 2008 15:01:24 +0000

A Universidade de Vigo organiza unha da campaña de explicación do Decreto 124/2007 titulada “Europa é plurilingüe, quen sabe galego sabe máis”. (Universidade de Vigo)

Coruña: Ciclo A-FÓRA(S) - Galería Sargadelos A Coruña

Alfredo Ferreiro — Fri, 18 Jul 2008 12:03:26 +0000

«O ciclo dos a-fóra(s) xurde da idea de falar da relación centro / periferia a través dos desprazamentos dende un lugar natal (Galicia) a outro en principio alleo.

Para reflexionar sobre esta situación, catro convidados/as achegarannos a súa experiencia(s): Raida Rodríguez (Barcelona), Martín Veiga (Cork), Samuel Solleiro (Antillas) e Xavier Queipo (Bruxelas).

A Galería Sargadelos da Coruña convócavos a todos/as a participar no ciclo de charlas que se desenvolverán entre o 22 de xullo e o 12 de agosto. Terán lugar na sala da Rúa Real 56, ás 20:00.»

Muxía: presentación de Nove, de María Lado

Alfredo Ferreiro — Thu, 17 Jul 2008 10:31:32 +0000

Nove, poemario de María Lado galardoado no X Premio de Poesía Avelina Valladares (Edicións Fervenza), será presentado o sábado 19 ás 21:00 na Biblioteca de Muxía. O acto, que contará coa presenza da autora, está organizado pola asociación Pedra dos Corvos.

Xesús Constela gaña o XX Premio de novela García Barros

Alfredo Ferreiro — Thu, 17 Jul 2008 05:41:51 +0000

«O escritor Xesús Constenla resultou gañador da XX edición do Premio de Novela García Barros, convocado polo Concello da Estrada, coa novela “Á espera do lusco fusco”, que publicará Editorial Galaxia.

O xurado formado por Armando Requeixo Cuba, Xosé Manuel Eiré Val, Luis Alonso Girgado, Carlos Lema, e Valentín García Gómez, que actuou como Secretario, acordou, por maioría, conceder o XX Premio de Novela Manuel García Barros (Ken Keirades) á obra presentada baixo o lema Á espera do lusco fusco. En opinión do xurado, a novela gañadora é especialmente valorable por tratarse dun monólogo narrativo, escrito cunha linguaxe coloquial que utiliza recursos rítmicos como a repetición con fins paródicos. […]» (Editorial Galaxia)